Eki myńǵa jýyq turǵyn velojarysqa qatysty - Pavlodar oblysy
ASTANA. QazAqparat - Qazaqstan halqynyń birligi kúni men «EKSPO-2017» kórmesine oraı uıymdastyrylǵan jappaı velojarys Pavlodar jáne Aqsý qalalarynyń turǵyndary qatysty.
Myńǵa jýyq pavlodarlyq Kenjekól aýyly mańyndaǵy joldan, 800 aqsýlyq Pavlodar-Aqsý tas jolynan bastap sporttyq sharaǵa qosyldy, dep habarlaıdypavlodarnews.kz .
Olar uzyndyǵy 30 shaqyrym joldy júrip ótýi tıis boldy.
«Bul básekege qatysyp otyrǵan azamattardyń basym bóligi - áýesqoılar», - deıdi dene tárbıesi jáne sport basqarmasy basshysynyń orynbasary Oleg Kolev. - Árbir qatysýshynyń qolyna «EKSPO-2017» logotıpi bar jalaýsha tabystaldy. Bul sharada syılyqtar men gramotalar berilmeıdi. Mundaǵy basty maqsat - óz kúshimizdi tekserý, qashyqtyqty baǵyndyrý. Al, jartylaı kásibı mamandar úshin bul kezekti jattyǵý retinde esepteldi.
Aıta keterligi, velojúgiriske qatysýshylardyń arasynda óńir basshysy Bolat Baqaýov, qala ákimi Nurjan Áshimbetov, oblys ákiminiń orynbasarlary Nıkolaı Dychko, Meıram Begentaev, Álııa Arynova jáne basqarma basshysy Marat Aıdashev boldy. Sharaǵa qatysýshylarǵa «EKSPO-2017» kórmesiniń eriktileri qoldaý kórsetti.
- Aýa raıynyń qolaısyzdyǵyna qaramastan qashyqtyqty júrip óttik, - dedi oblys ákimi Bolat Baqaýov. - Men velosıpedke jıi minemin. Jaz boıy jas velosıpedshilermen serýendep, velosportqa arnalǵan alań daıyndaımyz. Endigi jastarmen kelisip te qoıdyq. Kún jylyǵannan keıin Kachır aýdanyna baryp, júz shaqyrymdy júrip ótemiz. Men sporttyń barlyq túrine qatysýǵa tyrysamyn.
«Aıtarlyqtaı qıyn bolmady. Sebebi biz budan da uzaq qashyqtyqqa shyǵamyz», - deıdi №1 balalar-jasóspirimder sport klýbynyń 10 jastaǵy tárbıelenýshisi ıAroslav Gýsev. - Velosportpen aınalysqanyma eki jyl boldy. Búgin bizben birge ákimniń júrip ótkenine qýanyshtymyz.
