Eki myńǵa jýyq qazaqstandyqtyń Túrkııaǵa barýyna tyıym salyndy

ASTANA. QazAqparat - Túrkııanyń Іshki ister mınıstrligi respýblıkanyń DAISh-pen  júrgizgen kúres jónindegi baıandamasyn jarııalady, dep habarlaıdy «QazAqparat» HAA.

Baıandamada halyqaralyq lańkestiktiń taralýymen kúres baǵytynda  Túrkııa úkimeti qabyldaǵan sharalardyń qatarynda terrorlyq uıymdarmen baılanysty tulǵalardyń el aýmaǵyna kelýin boldyrmaý maqsatyn kózdeıtin táýekelderdi saraptaý bólimshesin  qurý sharasy bar ekendigi habarlanǵan.

2014 jyldyń sáýir aıynda qurylǵannan bastap atalǵan bólimsheler lańkestik toptarmen baılanysy bar dep kúdiktelgen 17 500 sheteldik azamatty tekserýden ótkizdi, olardyń 4 550-in elden shyǵaryp jiberdi.

Túrkııa Respýblıkasynyń aýmaǵyna ótýge tyıym salynǵan tulǵalar qatarynda 1914 qazaqstandyq, 4128 reseılik azamat, 2651 tájik, sondaı-aq, 1677 ázerbaıjandyq turǵyn bar. Tizimde eń kóbi Saýd Arabııasynyń azamattary (7523), al, eýropa elderinen - Frantsııa (2622).

Aıta keteıik, Túrkııa eldegi Mınıstrler keńesiniń sheshimimen  DAISh-ty 2013 jyly lańkestik uıym retinde jarııalaǵan bolatyn.