Eki myńǵa jýyq qazaqstandyq Konstıtýtsııalyq sotqa shaǵymdandy

ASTANA. QazAqparat - Osy kúnge deıin Konstıtýtsııalyq sotqa kelip túsken ótinishterdiń jaı-kúıi týraly aqparat jarııalandy, dep habarlaıdy QazAqparat.

Joǵarǵy organǵa barlyǵy 1856 ótinish kelip túsken, onyń 42-si - sot jańadan qurylǵan 2022 jyly joldanǵan.

Eki ótinish boıynsha sottyń normatıvtik qaýlysy qabyldandy.

306 ótinish qaralyp jatyr, 12-si konstıtýtsııalyq is júrgizýge qabyldandy. 3 aryz aldyn ala zerdelený ústinde.

Kelip túsken shaǵymdardyń 23 paıyzynda quqyqtyq-normatıvtik aktilerdi nemese onyń jekelegen erejelerin zańsyz dep tanýdy suraǵan.

46 paıyzy sot sheshimimen kelispeıtinin jazady.

3,6 paıyzy aqparattyń qoljetimsiz ekenine shaǵymdansa, 2,3 paıyzy - eńbek jáne zeınetaqymen qamtý, 1,6 paıyzy - qylmystyq atqarý júıesi salasyna qatysty.