Eki myńǵa jýyq aýylda «Qazposhta» bólimshelerinen HQO ashylady

ASTANA. QazAqparat – 1900-den astam aýylda «Qazposhta» bólimshelerinde halyqqa qyzmet kórsetý ortalyqtary jasaqtalady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Halyqqa qyzmet kórsetý ortalyqtaryn jańǵyrtý boıynsha jumys júrip jatyr. Bıyl 50 ortalyqty jańartamyz. Sondaı-aq, aýyldyq «Qazposhta» bólimshelerinde qyzmet kórsetýdi uıymdastyramyz», - dedi Baǵdat Mýsın mınıstrliktiń keńeıtilgen alqa otyrysynda.

ıAǵnı, mınıstrdiń aıtýynsha, 1900-dan astam aýyldyń turǵyndary qalaǵa shyqpaı-aq, óz aýylynda ornalasqan «Qazposhta» fılıalynan memlekettik qyzmetterdi alady.

«Bul - kem degende 4 mln-nan astam aýyl adamyna qolaıly memlekettik qyzmet kórsetiledi degen sóz. HQO qyzmetkerleriniń jumysyn jaqsartý maqsatynda jasandy ıntellekt qoldanatyn daýysty vırtýaldy robot iske qosylady. Ol bizde koll-ortalyq máselelerin retteýge kómektesedi», - dep túsindirdi Baǵdat Mýsın.

Buǵan deıin Tsıfrlyq damý mınıstri Astanada «sýperTsON» ashylatynyn aıtqan edi.

Sondaı-aq, tótenshe jaǵdaı kezinde de ınterneti óshirilmeıtin uıymdardyń tizimi jasalady.