Eki munaıshy tornadonyń kindiginde qaldy
ASTANA. QazAqparat - Amerıkandyq Soltústik Dakotada 28 mamyrda qýatty tornado jaıpap ótti. Eki jergilikti munaıshy kezdeısoq daýyldyń kindiginde qaldy. Alaıda olar bul qorqynyshty tabıǵatttyń tosyn minezinen qashýdyń ornyna bolǵan oqıǵany beınetaspaǵa túsirdi, bul úshin olar ómirlerin qurban etýi de múmkin edi, dep habarlady Vestı.Ru Wall Street Journal-ǵa silteme jasap.
Ýotford-Sıtı qalashyǵyndaǵy óziniń úıiniń aldyna temeki shegýge shyqqan Den Iorgason ózine qaraı tornado tónip kele jatqanyn kórdi. Er adam myna qyzyqty kórinisti tamashalaý úshin dosyn shaqyrdy. «Dostym, mynany kórip tursyń ba? Bul ne degen ǵajap kórinis!», - dep aıqaılap, Iorgason kamerasyn iske qosyp, alaı-dúleı daýyldy beınetaspaǵa túsirýge kiristi.
Birneshe sekýndtardan keıin munaıshylar budan qutylý qajettigin sezine bastady. Olar qastarynda turǵan fýrgonǵa tyǵylyp, qashýǵa ázirlendi. Degenmen, myna qyzyqty kórinisti qıyp kete almady. Quıynnyń jaqyndap qalǵanyna qaramastan, Iorgason avtomobıldiń terezesin ashyp, kamerany dóptedi. Qýatty quıyn olarǵa qaraı bar kúshpen lyqsyp kelip qalǵan edi.
Degenmen, baqytyna oraı, erjúrek erler odan aman qaldy. Amerıkandyq jýrnalısterdiń jazýynsha, olardyń ekeýi de zardap shekken joq. Alaıda, tornadodan Iorgason men onyń dosy sııaqty barlyǵy birdeı aman qalǵan joq. Soltústik Daktotadany jaıpap ótken tornado saldarynan toǵyz adam jaralanyp, birneshe úıler eleýli búlindi.
