Eki mınıstrlikke jaýapty hatshy taǵaıyndaldy
«Aıda Dádenqyzy Qurmanǵalıeva Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy bolyp taǵaıyndaldy, ol Qazaqstan Respýblıkasy Densaýlyq jáne áleýmettik damý mınıstrliginiń jaýapty hatshysy qyzmetinen bosatyldy;
Bolat Turǵanuly Tókejanov Qazaqstan Respýblıkasy Densaýlyq saqtaý mınıstrliginiń jaýapty hatshysy bolyp taǵaıyndaldy», - delingen qujatta.
***
Aıda Dádenqyzy Qurmanǵalıeva 1970 jyly 30 jeltoqsanda dúnıege kelgen. 1993 jyly Qazaq memlekettik basqarý akademııasyn «Ekonomıkalyq jáne áleýmettik josparlaý» mamandyǵy boıynsha bitirgen.
Eńbek jolyn 1993 jyly Qazaqstan Respýblıkasynyń Qarjy mınıstrliginde ekonomıst qyzmetinen bastady. 1997-2002 jyldary Qazaqstan Respýblıkasy Qarjy mınıstrliginiń basqarma bastyǵy, departament dırektorynyń orynbasary bolyp jumys istedi. 2002 jyly Avstrııada, Vena qalasyndaǵy Birikken Vena Instıtýtynda (Joint Vienna Institute), 2008 jyly - Dıýk Ýnıversıtetinde (Duke University), Soltústik Karolına, AQSh; 2009 jyly - Lı Kýan ıÝ atyndaǵy memlekettik saıasat mektebinde (Lee Kuan Yew school of Public Policy), Sıngapýrde bilim aldy. 2002 - 2009 jyldary Qazaqstan Respýblıkasy Ekonomıka jáne bıýdjettik josparlaý mınıstrliginiń áleýmettik salanyń shyǵystaryn josparlaý jáne áleýmettik salany damytý departamentteriniń dırektory.
Qazaqstan Respýblıkasy Úkimetiniń qaýlysymen 2009 jylǵy 25 jeltoqsanda Qazaqstan Respýblıkasynyń Densaýlyq saqtaý vıtse-mınıstri bolyp taǵaıyndaldy.
2013 jylǵy aqpan aıynan bastap Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń jaýapty hatshysy. Buǵan deıin Qazaqstan Respýblıkasynyń Densaýlyq saqtaý jáne áleýmettik damý mınıstrliginiń jaýapty hatshysy. Bul qyzmetker 2014 jyldyń tamyz aıynda taǵaıyndaldy.
Qyzmeti úshin QR Prezıdentiniń 2005 jylǵy 12 jeltoqsandaǵy Jarlyǵymen Qazaqstan Respýblıkasynyń Qurmet gramotasymen, «Qazaqstan táýelsizdigine 10 jyl», «Qazaqstan Parlamentine 10 jyl» «Astananyń 10 jyldyǵy» medaldarymen, QR Premer-Mınıstriniń alǵys hatymen marapattaldy. Ekonomıka ǵylymynyń kandıdaty.
***
Bolat Turǵanuly Tókejanov 1972 jyly Shyǵys Qazaqstan oblysynda dúnıege kelgen. 1994 jyly Qazaq memlekettik basqarý akademııasyn támamdaǵan.
1994-1995 jyldary Shyǵys Qazaqstan oblysy salyq ınspektsııasynyń aǵa salyq ınspektory bolyp qyzmet atqardy.
1996-1998 jyldary Qazaqstan Respýblıkasynyń Úkimeti janyndaǵy Mindetti medıtsınalyq saqtandyrý qorynyń Shyǵys Qazaqstan oblystyq bólimshesinde qyzmet atqardy.
1999-2000 jyldary - Medıtsınalyq qyzmetke aqy tóleý ortalyǵynyń Shyǵys Qazaqstan oblystyq bólimshesi dırektorynyń orynbasary, dırektory. Densaýlyq saqtaý mınıstrligi «Densaýlyq» RMK-nyń Shyǵys Qazaqstan oblystyq fılıalynyń dırektory.
2001 jyldyń qańtarynan 2003 jyldyń qarashasyna deıin Shyǵys Qazaqstan oblysynyń Aqparattyq-medıtsınalyq ortalyǵyn basqardy.
2003 jyldyń qarasha aıynan medıtsınany jáne halyqaralyq qatynastardy damytý bóliminiń bastyǵy, 2005 jyldyń aqpanynan 2007 jyldyń qańtaryna deıin startegııalyq damý jáne halyqaralyq qatynastar basqarmasynyń bastyǵy boldy.
2007 jyldyń qańtarynan 2010 jyldyń tamyz aıyna deıin Strategııalyq damý jáne halyqaralyq qatynastar departamenti dırektorynyń orynbasary, Qarjy jáne ekonomıka departamenti dırektorynyń orynbasary laýazymdarynda qyzmet atqardy.
2010 jyldyń qyrkúıek aıynda QR Densaýlyq saqtaý mınıstrligi Strategııalyq damý departamentiniń dırektory bolyp taǵaıyndaldy.
2013 jyly 6 aqpanda Qazaqstan Respýblıkasy Densaýlyq saqtaý mınıstriniń orynbasary bolyp taǵaıyndaldy.
Shyǵys Qazaqstan oblysy ákiminiń (2002), QR Densaýlyq saqtaý mınıstriniń (2004) qurmetti gramatolarymen, «Qazaqstan Konstıtýtsııasyna 10 jyl» (2005), «Astanaǵa 10 jyl» (2008) mereıtoılyq medaldarymen marapattalǵan. Densaýlyq saqtaý isiniń úzdigi (2006).
