Eki metrlik jylan saýda ortalyǵyna kelýshilerdiń záresin aldy
ASTANA. QazAqparat - Keshe keshke Bıısktegi «Rıvera» SO-da satyp alýshylardyń úreıin ushyrǵan oqıǵa oryn aldy. Olar vestıbıýlde eki metrlik jylanǵa tap bolǵan.
Qaraýsyz júrgen alyp jylan dúńgirshekterdiń arasynda aqyryn jyljyp júrgen.
Eki aptadan astam ýaqyt SO-da Ombydan kelgen «Tiri tropıkter» atty ekzotıkalyq janýarlardyń kóshpeli kórmesi jumys isteýde. Ortalyqta bolǵan baýyrymen jorǵalaýshy - osy haıýanattar baǵynyń asyrandysy. Alaıda kórmeniń uıymdastyrýshylary saýda ortalyǵynda olardyń jylany bolǵanyn joqqa shyǵaryp otyr. Saýda ortalyǵynyń qyzmetkerleri bolsa, jurttyń mundaı dúrligýin kórme uıymdastyrýshylarynyń áreketterimen baılanystyrýda.
