Eki metrlik nashaqor-pıtondy túrmede emdedi
ASTANA. QazAqparat - Avstralııada eki metrlik pıtondy esirtkige qumarlyqtan emdedi.
Іri jylan metamfetamın daıyndaıtyn jasyryn zerthanada tirshilik keship kelgen. Aýaǵa jaıylǵan hımııalyq zattyń bólikteri ony esirtkige táýeldi etken. Bul qupııa oryndy polıtsııanyń áshkereleýinen keıin reptılııa quqyq qorǵaý organdarynyń qolyna tústi. Ony Sıdneıdegi janýarlarǵa arnalǵan iri túrme keshenine jiberdi, dep jazady Northern Star basylymy.
Ortalyqtyń qyzmetkeri Ien Mıtcheldiń aıtýynsha, alǵashqyda jylan ózin óte agressıvti ustaǵan. Ózge pıtondar tárizdi tynysh, baıaý qozǵalýdyń ornyna kerisinshe ony salǵan konteınerdiń ishinde toqtaýsyz órmeleýmen bolǵan.
Pıtondy esirtkige táýeldilikten aryltýǵa týra jeti aı merzim ketken kórinedi. Qazir oǵan jańa qojaıyn izdestirilýde.
