Eki memlekettiń jaza atqarýshy júıesiniń basyn qosqan semınar Qostanaıda ótti
ASTANA. Qyrkúıektiń 25-i. QazAqparat - Elbasy N. Nazarbaev 2010 jylǵy 17 tamyzdaǵy quqyq qorǵaý organdaryn reformalaý týraly jarlyǵynda bas bostandyǵynan aıyrýmen baılanysty emes jaza túrlerin zańdy qoldanýdy, sonyń ishinde aıyppul tóleý, qoǵamdyq jumysqa tartý jáne bostandyǵyn shekteý, sonymen qatar tutqyndaýǵa balamalanatyn bultartpaý sharalaryn qoldanýdy qarastyrýdy usynady.
Osy atalǵan máselelerdi talqylaý sheńberinde Qazaqstan Respýblıkasy Ádilet mınıstrliginiń bastamashylyǵymen Qazaqstan Respýblıkasy Ádilet mınıstrligi Qylmystyq-atqarý júıesi komıteti Akademııasynda Qylmystyq-atqarý júıesi men Germanııa halyqaralyq quqyqtyq yntymaqtastyq qory (IRZ) arasynda semınar bolyp ótti, dep habarlaıdy QR ÁdM QAJ komıteti Akademııasy baspasóz qyzmetiniń ınspektory B. Nýrkına.
Germanııanyń ádilet mınıstrligine qarasty atalǵan qor seriktes memleketterge quqyqtyq jáne sottyq júıeler reformasyn júrgizýde qoldaý kórsetedi. Semınarǵa Germanııa halyqaralyq quqyqtyq yntymaqtastyq qorynyń jetekshisi - Ozlem Savas (Bonn), Jer sotynyń sýdıasy - Doktor Frank Chaııa (Keln), penıtentsıarlyq mekeme dırektory - Klaýs Vınhenbah (Rokenberh) jáne QR ÁdM QAJ komıteti atynan tóraǵa orynbasary ádilet polkovnıgi E. Salamatov, Qostanaı oblysy, Qaraǵandy oblysy, Soltústik Qazaqstan oblysy, Aqmola oblysy, Astana qalasy boıynsha QAJ komıteti departamentteriniń qyzmetkerleri, sonymen qatar, Akademııa basshylyǵy, professorlyq-oqytýshylar quramy, adıýnktar men magıstranttar qatysty.
Eki el arasynda ótken semınardy Akademııa bastyǵy, zań ǵylymdarynyń doktory, professor Q. Uqanov ashty. Akademııa bastyǵy nátıjeliktiń ólshemi sandyq kórsetkishter emes, elimizdiń azamattary, zańdy tulǵalar men sheteldik ınvestorlar senim arta alatyndaı jumystyń sapasy mańyzdy, jańa onjyldyqta demokratııalyq memlekettegi halyqaralyq quqyq qorǵaý organdary qyzmetiniń standarttaryna saı keletin jańa quqyq qorǵaý organy qajet, - dep atap ótti.
Atalmysh sharaǵa qatysýshy Germanııa mamandary Germanııa penıtentsıarlyq júıesin jetildirýdiń ózekti máselelerin, sonyń ishinde «jazalaýdyń balama sharalarynyń túrleri», «sottalǵandardy jumyspen qamtý», «qurbandar men qylmyskerdi tatýlastyrý», «sottalǵandardyń jazasyn «erkin» atqarýy», «ońasha kamera jalpy kameraǵa balama túrinde» taqyryptarynda tájirıbesimen bólisse, Qazaqstannyń semınarǵa qatysýshylary, óz kezeginde, Qazaqstannyń Qylmystyq-atqarý júıesiniń jumysynyń erekshelikterin sóz etti. Eki memlekettiń penıtentsıarlyq júıeleriniń arasynda bolyp ótken bul semınarda joǵaryda kórsetilgen máseleler boıynsha eki memlekettiń tájirıbe júzindegi qyzmetteri qarastyrylyp, kóptegen máseleler óz sheshimderin taýyp, eki memleket mamandary tájirıbe almasty. Eki memleket mamandar arasynda keıbir týyndaǵan máseler talqyǵa alynyp, ár memlekettiń qylmystyq-atqarý júıesiniń baǵyttary boıynsha jumystar talqylandy. Sonymen qatar, Germanııa halyqaralyq quqyqtyq yntymaqtastyq qory (IRZ) men QR ÁdM QAJ komıteti Akademııasynyń arasyndaǵy áriptestik pen tájirıbe almasýdy odan ári nyǵaıtý men damytý týraly suraq qarastyryldy. Germanııa mamandary Qazaqstandyq áriptesterine alǵystaryn bildirip, arasyndaǵy áriptestiktiń odan ári jalǵasyn tabatynyna senimdi ekendikterin aıtty. Eki kúnge sozylǵan semınar eki jaq mamandarynyń rızashylyǵymen aıaqtaldy.
