Eki mektep avtobýsy soqtyǵysyp, 25 adam zardap shekti
NUR-SULTAN. QazAqparat –Kanadada Monrealdiń (Kvebek provıntsııasy) mańyndaǵy tas jolda eki mektep avtobýsy soqtyǵysyp, jol apaty saldarynan 25-ten astam adam zardap shekti, dep habarlaıdy «QazAqparat» HAA CTV telearnasyna silteme jasap.
Oqıǵa tas jolda avtokóliktiń kúrt toqtaýynan bolǵan. Oǵan aldymen sońynan kele jatqan bir avtobýs, artynsha ekinshisi soǵylǵan. Saldarynan eki avtobýs ta órtene bastaǵan.
Mektep avtobýstarynyń ishinde jalpy 50 bala, júrgizýshiler men eki eresek adam bolǵan. Jeńil jaraqattanǵan 25 bala men eki eresek adam aýrýhanaǵa jetkizildi. Jol-kólik oqıǵasynyń saldarynan tas joldyń bir bóligi jabyldy.
Foto: Ýkrınform
