Eki megapolıs pen úsh oblysta vaktsınalaý jumysynyń belsendiligi tómen

NUR-SULTAN. QazAqparat – Nur-Sultan, Shymkent qalalarynda, Mańǵystaý, Atyraý, Soltústik Qazaqstan oblystarynda halyqty vaktsınamen qamtý jumysynyń belsendiliginiń tómen, dep habarlaıdy QazAqparat.

Bul týraly búgin QR Premer-Mınıstriniń orynbasary Eraly Toǵjanovtyń tóraǵalyǵymen ótken Qazaqstan aýmaǵynda COVID-19 taralýyna jol bermeý jónindegi vedomstvoaralyq komıssııa otyrysynda aıtyldy.

E. Toǵjanov birqatar óńirde, atap aıtqanda Nur-Sultan, Shymkent qalalarynda, Mańǵystaý, Atyraý, Soltústik Qazaqstan oblystarynda halyqty vaktsınamen qamtý jumysynyń belsendiliginiń tómen ekenin atap ótti.

Sondaı-aq Aqmola, Mańǵystaý, Atyraý jáne Qostanaı oblystarynda turǵyn úı aýlalaryn aralaý arqyly halyq arasynda ekpe jumystarynyń uıymdastyrylmaǵanyn atap ótti.

Osyǵan baılanysty Premer-Mınıstrdiń orynbasary anyqtalǵan kemshilikterdi túzetý boıynsha tıisti sharalar qabyldaýdy tapsyrdy.