Eki megapolıs pen úsh oblys jergilikti bıýdjetti durys ıgermegen – mınıstr
NUR-SULTAN. Qaz-Aqparat – Jergilikti bıýdjettiń shyǵystary 2,1 trln teńgeni qurady. Bul týraly Úkimet otyrysynda QR Qarjy mınıstri Erlan Jamaýbaev aıtty, dep habarlaıdy QazAqparat tilshisi.
«Jergilikti bıýdjettiń shyǵysy 2,1 trln teńgeni qurady. 28 mlrd teńge atqarylmaǵan. Bıyl óńirlerge 1,9 teńge somasynda nysanaly transfert kózdelgen. Ol úshin 1 mamyrǵa 456 mlrd teńge bólingen. Onyń 98,9% ıgerilgen. 5 mlrd teńge ıgerilmegen, onyń 1 mlrd teńgesi únemdelgen bolsa, 4 mlrd teńgesi ıgerilmegen», - deıdi Erlan Jamaýbaev.
Onyń aıtýynsha, eń kóp ıgerilmegen soma Nur-Sultan jáne Almaty qalalary, Batys Qazaqstan, Pavlodar jáne Soltústik Qazaqstan oblystarynda qalyptasyp otyr.
Eske sala ketsek, buǵan deıin Qarjy mınıstri barlyq óńirde kiris boıynsha jospar asyra oryndalǵanyn aıtqan bolatyn.
