Eki qyzyn zorlady degen aıyppen Almaty turǵynynyń ústinen is qozǵaldy
Jelide jazylǵan aqparatqa súıensek, 2003 jáne 2009 jylǵy eki qyz týǵan ákelerinen qorlyq kórip kelgen. 11-12 jastarynan azǵyndyqqa ushyraǵan olar bir-biriniń basyndaǵy jaǵdaı týraly bilmegen. Qyzdardyń biri úıinen qashyp ketpeıinshe analary da bul sumdyqtan beıhabar bolǵan.
Almaty qalalyq polıtsııa departamentiniń málimetinshe, qylmystyq is Alataý aýdandyq polıtsııa basqarmasynda tirkelgen.
«Qylmystyq is QR QK-niń 120-baby, 4-bóligi jáne QR QK-niń 124-baby 2-bóligi boıynsha tirkelip, tekserile bastady. Qazirgi ýaqytta tolyqtyq, keshendilik jáne obektıvtilik qaǵıdattaryna sáıkes jedel jáne tergeý sharalary kesheni júrgizilip jatyr. Sonymen qatar, tıisti saraptamalyq zertteýler taǵaıyndaldy», - dep habarlady vedomstvodan.
QR Qylmystyq-protsestik kodeksiniń 201-babyna sáıkes, tergeý múddesindegi ózge málimetter jarııalanbady.