Eki qyzdy Lexus tóbesine otyrǵyzyp serýendegen jigit 7 jylǵa kólik júrgizý quqyǵynan aıyryldy

NUR-SULTAN. QazAqparat – Mas kúıinshe kólik júrgizgen elorda turǵyny ustaldy, dep habarlaıdy QazAqparat qalalyq polıtsııa departamentine silteme jasap.

24 mamyr kúni tańǵy 04.30 kezinde 24 jastaǵy qala turǵyny mas kúıinshe ortalyq saıabaqta Lexus LX 570 kóligin júrgizgen.

Búgin áleýmettik jelide eki qyzdy Lexus LX 570 kóliginiń tóbesine otyrǵyzyp alǵan júrgizýshi beınelengen vıdeo tarady.

Qalalyq polıtsııa qyzmetkerleri jas jigitti QR Ákimshilik quqyq buzý kodeksiniń 608-baby 1-bólimi boıynsha jaýapkershilikke tartty.

Ákimshilik sottyń qaýlysymen júrgizýshi 15 táýlikke qamaldy. Ol endi 7 jyl boıy kólik júrgize almaıdy. Sot ony mundaı múmkindikten aıyrdy. Avtomobıl aıyp turaǵyna qoıyldy.

Sondaı-aq eki jolaýshy – kóliktiń tóbesinde otyrǵan 2000 jáne 2001 jyly týǵan eki qyz da atalǵan kodekstiń 615-baby boıynsha jaýapqa tartylǵan.