Eki qyzdy qaqqan tramvaı júrgizýshisi eki aıǵa qamaldy
PAVLODAR. QazAqparat - Oblystyq sot jabyq túrde 7 qyrkúıek kúni eki qyzdy qaǵyp ketken 30 jastaǵy tramvaı júrgizýshisi advokatynyń jeke shaǵymyn qarady, dep habarlaıdy pavlodarnews.kz .
Oblystyq sottyń baspasóz hatshysy Áıgerim Súleımenova agenttikke habarlaǵandaı, advokat qamaýǵa alýdy úıqamaqpen almastyrýdy ótingen. - Bultartpaý sharasy týraly sot qaýlysy ózgerissiz qaldyryldy, - dedi Áıgerim Súleımenova. - ıAǵnı, tramvaı júrgizýshisi eki aı boıy ýaqytsha ustaý oqshaýlaǵyshynda bolady.
Eske sala keteıik, qaıǵyly jaǵdaı saldarynan № 4 mekteptiń eki oqýshysy tramvaıdyń astynda qaldy. 10 jastaǵy qyz oqıǵa ornynda qaza tapsa, ekinshi qyz oblystyq balalar aýrýhanasyna jetkizildi. Shynar Ýalıtova eki qyzdan basqa, ul balany tárbıelep otyr. Qazirgi tańda ol balanyń kútimine baılanysty demalysta jáne egde jastaǵy anasy birge turady. "Pavlodar meıirimdiler klýbynyń" eriktileri men bilim berý júıesiniń qyzmetkerleri zardap shekken otbasyna arnap qaıyrymdylyq qarajat jınaı bastaǵan. Bul aqshaǵa olarǵa baspana satyp alynady.
