Eki qylmysker polıtsııa kóliginiń esigin syndyryp, qashyp ketti
ASTANA. QazAqparat - Eki qylmyskerdiń qashyp ketkendigi jaıly sýyt habar Esentýkı polıtsııasyn aıaǵynan tik turǵyzdy.
Reseı ІІM ólkelik basqarmasynan habarlaǵandaı, urlyǵy úshin ustalǵan baýkespeler juma kúni tutqyndardy tasıtyn arnaıy avtomobılden qashyp ketken.
«Olar ýaqytsha ustaý oqshaýlaǵyshyna apara jatqan jolda polıtsııa kóliginiń esigin syndyryp, izderin sýytqan»,-dep málim etti atalǵan basqarmanyń baspasóz qyzmetinen. Túrmeden qashý oqıǵasyna baılanysty Reseı ІІM Stavropol ólkesi boıynsha Bas basqarmasynyń bastyǵy qyzmettik tekserýdi shuǵyl qolǵa aldy.
