Eki kúngi qorytyndy boıynsha Q. Túntekov 6-shy ornyn saqtap qaldy - ıÝrmaladaǵy halyqaralyq án baıqaýy
Y. Shildeniń 30-y. QazAqparat /Erbol Turymbetov/ - ıÝrmalada ótip jatqan «Jańa tolqyn - 2010» halyqaralyq án baıqaýynyń 2 kúnnen keıingi qorytyndysy boıynsha Qaırat Túntekov óziniń jalpy eseptegi 6-shy ornyn saqtap qaldy.
Bul án merekesiniń ekinshi kúninde Túntekov halyq áni «Nazqońyrdy» naqyshyna keltire shyrqap, ulttyq «Qara jorǵa» bıin sahnalaǵan edi. Onyń qorjynynda ázirge 185 upaı. Jalpy kestedegi brazılııalyq áriptesi Gabrıela keshegi kezeńnen keıin tómenge syrǵyp, bolgarııalyq ánshimen birge 10-11-shi oryndardy mise tutty. Al, saıystyń alǵashqy kúninde-aq top bastaǵan ýkraınalyq Tatıana Shırko kelesi kúni 95 upaı jınap, eki kúngi nátıjesi boıynsha 1-shi orynnan túspeı keledi. Estonııalyq Ýký Sývısteniń enshisinde 190 ball. Ol Tatıanadan bar bolǵany 1 upaı aıyrmasymen ekinshi orynǵa tur. Onan keıingi 3-4-shi oryndardy 189 upaımen Izraıl jáne Armenııa ánshileri bólisýde.
Aıtýly jarystyń bul kúnindegi basty jańalyqtardyń biri «Slıvkı obşestva» atty juldyzdy toptyń óner kórsetýi boldy. Quramyn ádilqazylar toltyrǵan bul topta Igor Krýtoı, Raımond Paýls, Igor Nıkolaev jáne basqa da óner sańlaqtary boldy. Olar sahnada «Sátsiz kezdesý» ánin oryndady.
Jarystyń jalpy qorytyndysy tamyzdyń 1-i kúni shyǵady. Al baıqaý úmitkerleri endigi kezekte avtorlyq án shyrqaıdy.
