Eki kúnge sozylǵan kelissózdi óte belsendi túrde ótkizdik - Eýropalyq Odaqtyń joǵarǵy ýákili
ALMATY. 6 sáýir. QazAqparat - «Biz Iranǵa usynǵan senimdilik sharalary jónindegi eki kúnge jalǵasqan bul kelissózdi óte belsendi túrde ótkizdik.
Eýropalyq Odaqtyń Syrtqy ister men saıası qaýipsizdik jónindegi joǵarǵy ýákili Ketrın Eshton búgin Almatyda E3/EU + 3» jáne Iran kelissózder kezinde osylaı aıtty.
«Delegatsııalar óz astanalaryna qaıtqan soń ǵana biz kezdesýge baılanysty baǵa beretin bolamyz. Biz Irannyń ıadrolyq baǵdarlamasyna qatysty BUU Qaýipsizdik keńesiniń qarary boıynsha jumys júrgizip jatyrmyz. Ol úrdiske qatysamyz jáne óz áreketimiz bir nátıjege jetkizetinine senemiz», - dedi K.Eshton. Onyń aıtýynsha, bul kelissóz naqty nátıjege qol jetkizýge baǵyttalǵan. Jalpy, Qaýipsizdik keńesi sanktsııasynyń maqsaty - qysymshylyq kórsetý emes. Eýropalyq Odaqtyń Joǵarǵy ókiliniń sózine qaraǵanda, kelissózge qatysýshylar óz áreketi tabysqa jetý úshin qazir barynsha yntymaqtastyqta jumys isteýi kerek.
