Eki kúnde respýblıka boıynsha 14 adamǵa ıis tıip, 3 adam qaıtys boldy
19 jeltoqsanda Semeı qalasynda qos qabatty turǵyn úıdiń 2-qabatynda qatty otynmen jylytylatyn peshti paıdalaný erejeleri buzylǵandyqtan, tútin murjasy tartpaı qalyp, gazdan ýlanǵan 1994 j.t., 1971 j.t. jáne 1997 j.t. 3 adam aýrýhanaǵa jatqyzyldy.
19 jeltoqsanda Astanada peshpen jylytýdyń aqaýlyǵyna baılanysty 2 qabatty jeke turǵyn úıde gazdan ortasha aýyrlyqta ýlanǵan 1970 j.t., 1990 j.t., 1994 j.t., 2012 j.t., 2015 j.t., 2018 j.t. azamattar aýrýhanaǵa jetkizildi.
18 jeltoqsanda Shyǵys Qazaqstan oblysy Altaı aýdanynyń Maleevsk kentindegi ortalyq aýrýhanasyna gazdan ýlaný belgileri bar 15 jastaǵy jasóspirim aýrýhanaǵa jatqyzyldy. Apat murjanyń tazalanbaýy saldarynan bolǵan. Altaı aýdany TJB qyzmetkerleriniń tekserýi nátıjeleri boıynsha ýly gaz pesh qabyrǵasyndaǵy jaryqtar arqyly monshaǵa ótkeni anyqtaldy. Peshti paıdalaný kezinde órt qaýipsizdigi erejelerin buzǵany úshin 1983 jyly týǵan úı ıesine qatysty ÁQBtK 410-baby boıynsha ákimshilik hattama jasaldy. Aıta ketý kerek, buǵan deıin TJB mamandary osy úıge baryp, túbirtek-usynysty tapsyra otyryp, qaýipsizdikke nusqaý bergen bolatyn.
18 jeltoqsanda Jambyl oblysy Býryl aýylyndaǵy jeke turǵyn úıde gaz kolonkasyn paıdalaný erejeleri buzylǵandyqtan, gazdan ýlanǵan 1959 jyly týǵan úı ıesi jáne 1990 jyly týǵan azamat, sondaı-aq 11 jáne 7 jastaǵy balalar aýyr jaǵdaıda aýrýhanaǵa jatqyzyldy. Oqıǵa ornyna TJD-nyń 1 qyzmetkeri jáne «QazTransGazAımaq» AQ-nyń 3 qyzmetkeri bardy.
19 jeltoqsanda Jambyl oblysy Qonaev aýylynan 40 km jerdegi «Sháriphan» sharýa qojalyǵyndaǵy jeke turǵyn úıde peshti paıdalaný erejeleri buzylǵandyqtan gazdan ýlanyp, otbasynyń 1965 j.t, 1969 j.t. jáne 2008 j.t. úsh múshesi qaıtys boldy. Oqıǵa ornyna TJD jeke quramynyń 2 qyzmetkeri men 1 tehnıkasy shyqty.
TJM peshtegi jaryqtardy joıý, murjany 3 aıda keminde 1 ret tazalaý, aıazda peshti qatty qyzdyrmaý, uzyndyǵy ot jaǵý qurylǵysynyń ólsheminen aspaıtyn otyndy paıdalaný qajettigin eskertedi.
