Eki kúnde elordada tehnıkalyq aqaýy bar 38 avtobýs anyqtaldy
ASTANA. 1 naýryz. QazAqparat - Jolaýshylar kóligi apattarynyń aldyn alý maqsatynda bıylǵy jyldyń 28 aqpanynan 7 naýryzyna deıin «Avtobýs» shuǵyl profılaktıkalyq is-sharasy ótkizilýde. Bul týraly qalalyq ІІD Jol polıtsııasy basqarmasynyń baspasóz qyzmeti málim etti.
Astana qalasy resmı saıtynyń habarlaýynsha, osy kezeńde is-sharaǵa jol polıtsııasynyń barlyq qyzmetkerleri tartylady. Basqarmanyń jeke quramynyń kúsheıtilgen jumysy qoǵamdyq kólik júrgizýshileri tarapynan jasalatyn jol qozǵalysy erejesin óreskel buzýdy anyqtaýǵa baǵyttalǵan.
«Іs-sharanyń eki kúninde Astana qalasy ІІD JPB ınspektorlary qalalyq Jolaýshylar kóligi jáne avtomobıl joldary qyzmetkerlerimen birigip, qala baǵdarynda jolaýshylar tasymalyn júzege asyratyn 9 avtobýs parkin tekserdi. Nátıjesinde, 38 avtobýs tehnıkalyq jaǵynan jaramsyz dep tanylyp, jelige tehnıkalyq jaramsyz avtobýstardy shyǵarǵan 10 laýazymdy tulǵa ákimshilik jaýapkershilikke tartyldy», - delingen habarlamada.
Jyl basynan beri Astana qalasynyń ІІD JPB ınspektorlary jol qozǵalysy erejesin buzǵan 400-ge tarta avtobýs júrgizýshisin anyqtady.
