Eki kúnde Almatydan 50-den astam sheteldik deportatsııalandy
ALMATY. QazAqparat - 28 aqpannan beri Almatyda zańsyz júrgen sheteldikterdi anyqtaýǵa arnalǵan «Quqyq qorǵaý» aýqymdy operatsııasy júrip jatyr, dep habarlaıdy «QazAqparat» HAA tilshisi qalalyq polıtsııa departamentiniń baspasóz qyzmetine siltememen.
Eki kúnde QR kóshi-qon zańnamasyn buzǵany úshin 171 sheteldik ákimshilik jaýapkershilikke tartyldy.
«Negizinen bular - Ózbekstan, Reseı, Qyrǵyzstan, Tájikstan azamattary. Zań buzýshylardyń basym bóligi qurylys nysandarynda jáne jeke qurylystarda eńbek etken. 51 sheteldik el aýmaǵynan shyǵaryldy, taǵy 147 shetel azamaty reıd nátıjesinde Almaty qalalyq polıtsııa departamentiniń qabyldaýshy-bólýshi pýnktine ornalastyryldy. Mıgratsııalyq baqylaýdy kúsheıtý zańsyz kóshi-qon naryǵyndaǵy ahýaldy ájepteýir turaqtandyrýǵa múmindik berdi», - dep atap ótti Almaty qalalyq PD mıgratsııalyq polıtsııa basqarmasynyń bastyǵy Qanat Eselbaev.
Polıtsııa sonymen qatar qalada zańsyz júrgen sheteldikter turýy múmkin jerler - qonaqúıler, jaldamaly páterler, jataqhanalar men hostelder, arnaıy uıymdastyrylmaǵan eńbek bırjalary jáne qurylys nysandaryn tekserýde.
Avtory: Maııa Teńizbaeva
