Eki kúnde 75 jol apaty: Polıtsııa júrgizýshilerdi saq bolýǵa shaqyrdy
– Qurmetti azamattar! Kúnniń jylýyna baılanysty joldarda kólik sany kúrt kóbeıdi. Dál osy kezeńde júrgizýshiler jol erejesin saqtamaıdy. Bunyń sońy qaıǵyly oqıǵalarǵa ákelip soqtyrady. Elimizde eki kúnniń ishinde 75 jol apaty bolyp, 27 adam qaza tapty. Jol-kólik oqıǵalarynyń kóp bóligi Jambyl, Mańǵystaý, Atyraý, Batys Qazaqstan oblystarynda boldy»,-deıdi QR ІІM Ákimshilik polıtsııa komıtetiniń tóraǵasy Qaısar Sultanbaev.
Onyń sózine qaraǵanda, apattar kóbine qala syrtyndaǵy joldarda túnde bolǵan. Tórt iri jol-kólik oqıǵasy jeke tasymaldaýmen aınalysatyn shetelde tirkelgen avtokólikter tarapynan jasalǵan. Jambyl oblysyndaǵy Almaty – Shymkent tasjolynda bolǵan iri apattyń birine qatysýshy – Toyota Alphard júrgizýshisimen jolǵa shyqpas buryn polıtsııa qyzmetkerleri profılaktıkalyq jumys júrgizgen. Biraq jol erejesin elemegen júrgizýshi men onyń eki jolaýshysy qaza tapty. Keıde osyndaı eskertýler ómirdi saqtap qalýy múmkin.
Esterińizde bolsyn, taksıge otyrarda onyń zańdy tasymaldaý ekenine kóz jetkizý kerek. Atap aıtqanda, júrgizýshide jolaýshylardy saqtandyrý sharty, tehnıkalyq baıqaýdan ótý, sapar aldyndaǵy medıtsıtsınalyq jáne tehnıkalyq tekserýler bolýy qajet. Mysaly, Mańǵystaý oblysynda jol apaty avtokóliktiń tehnıkalyq aqaýyna baılanysty bolǵan. Onda úsh adam qaza taýyp, bireýi jaraqat aldy.
Ókinishke oraı, jeke tasymaldaýmen aınalasýǵa quqyǵy joq taksı júrgizýshileri kóbeıip ketti. Jolda tekserý kezinde júrgizýshiler mundaı jaǵdaılardy jasyryp, jolaýshylardy týystarym dep aıtady. Eń ókinishtisi – ol júrgizýshilerdi jolaýshylardyń ózderi de qoldaıdy. Arzan jol júrý aqysyna qyzyǵyp, ómiri men densaýlyǵyn oılamaıdy. Mysaly, iri jol kólik oqıǵasy 21 mamyrda Jambyl oblysyndaǵy Merke – Shý – Býrylbaıtal tasjolynda tirkeldi. Onda zańsyz tasymaldaýshy anyqtaldy. Osy apattan úsh adam qaıtys bolyp, bir adam jaraqat aldy.
Jol kólik oqıǵasynyń taǵy bir sebebi - ol júrgizýshilerdiń rólde uıyqtap qalýy. Atyraý oblysynyń Qulsary qalasynan 10 shaqyrym jerde, Beıneý – Atyraý avtojolynda jeke tasymaldaýmen aınalysatyn júrgizýshi rólde uıyqtap, aldynda kele jatqan kólikke soǵysyp, tórt adam qaza taýyp, ekeýi jaraqat aldy.
«Júrgizýshilerdiń nazaryna! Jolǵa shyǵar aldynda siz ózińiz úshin ǵana emes, jolaýshylardyń qaýipsizdigi úshin de jaýapty ekenińizdi umytpańyz. Jyldamdyqty asyrmańyz, jol erejesin saqtańyz. Sharshaǵan jaǵdaıda tynyǵyp, demalyńyz. Bizdiń taraptan jol erejelerin buzýshylarmen kúres jumystary kúsheıtilip jatyr. Polıtsııanyń jumysy jazalaýǵa emes, sizderdiń ómirlerińizdi saqtaýǵa baǵyttalǵan», – dedi QR ІІM ÁPK tóraǵasy Qaısar Sultanbaev.