Eki kúnde 2 adamdy poıyz qaqty
ÓSKEMEN. QazAqparat – Shyǵys Qazaqstan oblysyndaǵy Rýlıha jáne Ýst-Talovka stantsııalarynyń aralyǵynda 47 jastaǵy áıeldi poıyz qaqqan. Ol ruqsat etilmegen temirjol relsterinen ótip bara jatqan, dep habarlaıdy QazAqparat tilshisi.
Qaıǵyly oqıǵa 30 tamyz kúni boldy. 31 tamyzda dál osyndaı oqıǵa Qyzylorda oblysynda oryn alǵan. Poıyz mashınısi qyzdy qaǵyp ketken.
Atalǵan faktiler boıynsha tergeý amaldary júrgizilýde. Bul jaıly Kólik polıtsııasy basqarmasynyń bastyǵy Ońal Bekıev málimdedi. Onyń aıtýynsha, jazataıym oqıǵalardy boldyrmaý úshin Departamenttiń jáne onyń aýmaqtyq bólimsheleriniń qyzmetkerleri profılaktıkalyq is-sharalar júrgizýde. Alaıda buǵan qaramastan temirjoldaǵy oqys oqıǵalar azaımaı tur.
Jyl basynan beri ótýge ruqsat etilmegen temirjol relsterin ótken 16 284 adam anyqtalyp, ákimshilik jaýapkershilikke tartyldy. Sonymen qatar 1616 ret poıyzdardyń shuǵyl tejelýi oryn aldy.
Bıylǵy 8 aıda elimizde 82 adamdy poıyz qaqqan. Olardyń jartysynan kóbi kóz jumdy. Onyń ishinde kámeletke tolmaǵan 5 bala bar.
