Eki kúnde 16 myń kásipker jumystaryn bastaýǵa ótinish berdi
NUR-SULTAN. QazAqparat – «Atameken» Ulttyq kásipkerler palatasynyń málimetine qaraǵanda, eki kúnde elimizdegi 16 myń kásipker jumysty bastaýǵa ótinish bergen, dep habarlaıdy QazAqparat tilshisi.
QR Bas sanıtarlyq dárigerdiń 2020 jylǵy 14 tamyzdaǵy №47 qaýlysyna sáıkes jumysty bastaýǵa ruqsat alý úshin kásipkerlik sýbektilerdiń barlyǵyna elektrondy tsıfrlyq qoltańba arqyly www.infokazakhstan.kz saıtynan tirkeýden ótý qajet.
16 500 kásipker portalǵa ótinim berip úlgerdi, sonyń ishinde 9 444 kásipker nysandaryn iske qosýǵa ruqsat aldy. Alǵashqy ótinim portaldyń jumys isteý ýaqytynan bir mınýt ótpesten Qaraǵandydan tústi. Resýrspen Almaty oblysy(2761 ótinim) jáne Almaty qalasynyń (2 401 ótinim) bıznes-qoǵamdastyǵy anaǵurlym belsendi qoldanýda. Paıdalanýshylardyń belsendiligi saǵat 13:00-den 16:00-ge deıingi aralyqta joǵary.
Aıta ketsek, 13 tamyzda Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda qalyptasqan epıdemıologııalyq jaǵdaıdy eskere otyryp, Karantın sharalaryn kezeń-kezeńimen alyp tastaý jospary qaraldy.
Alaıda, 17 tamyzdan bastap birqatar nysandardyń jumysyna tyıym saqtaldy.
