Eki kún ishinde Astanada 1 myń 669 jolda júrý erejesin buzý áreketi anyqtaldy - Astana qalalyq ІІD
ASTANA. Qarashanyń 3-i. QazAqparat /Aıdar Ospanalıev/ - Qazannyń 31-i men qarashanyń 1-i kúnderi Astana qalalyq Jol polıtsııasy basqarmasynyń qyzmetkerleri joldaǵy tártipti qataıtý maqsatynda qatarlaryn qosymsha qyzmetkerlermen kúsheıtti.
Nátıjesinde 2 kún ishinde olar 1 myń 669 jol erejesin buzý áreketin anyqtady. Bul týraly búgin Іshki ister departamentinde ótken brıfıngte Memlekettik til jáne aqparat bóliminiń bastyǵy Nurdildá Oraz málim etti, dep habarlaıdy QazAqparat.
Onyń derekterine qaraǵanda, jolda júrý erejesin buzý áreketteriniń 87-i - kólikti mas kúıinde júrgizýge, 468-i - qaýipsizdik belbeýin taqpaýǵa, 242-i júrgizýshilerdiń kólikti júrgizý barysynda uıaly telefonmen sóılesýine qatysty bolǵan. Al 249 fakti boıynsha jolda júrý erejesin jaıaý júrginshiler buzǵan.
