Eki kún ishinde 17 myńnan astam jol qozǵalysy erejelerin buzý faktileri anyqtaldy
ASTANA. 23 qazan. QazAqparat - 21 qazanda bastalǵan «Qaýipsiz jol» keńaýqymdy jalpyrespýblıkalyq aldyn alý sharasy barysynda 17 myńnan astam jol qozǵalysy erejelerin buzý faktileri anyqtaldy.
Bul týraly búgin QR Іshki ister mınıstrliginde ótken baspasóz máslıhatynda vedomstvonyń resmı ókili Nurdildá Oraz málim etti.
«Іshki ister mınıstriligi Elbasynyń 11 qazandaǵy Úkimettiń keńeıtilgen otyrysynda berilgen tapsyrmalaryna sáıkes jol-kólik oqıǵalaryn azaıtý jáne onyń zardaptaryn tómendetý maqsatynda 21 qazannan bastap «Qaýipsiz jol» keńaýqymdy jalpyrespýblıkalyq aldyn alý sharalaryn ótkizýde. Ákimshilik polıtsııa bólinisteriniń barlyq jeke quramy óz qyzmetterin kúsheıtilgen rejımge aýystyrdy, ıaǵnı jasaqtardyń ornalasý jıiligi jáne kúzet baǵyttary artty. Atalǵan sharalarǵa kúnine 5 myńǵa tarta ishki ister organdarynyń qyzmetkerleri jumyldyrylady. Іs-shara júrgizilgen eki kún ishinde 17 myńnan astam jol qozǵalysy erejelerin buzý faktileri anyqtaldy», - dedi resmı ókil.
