Eki kún boıy tótenshe jaǵdaı saldarymen kúresken Jańatasqa jylý berile bastady
Oblys ákimi Nurjan Nurjigitov aýdanǵa jumys saparymen baryp, jaýaptylarǵa eń aldymen Jańatas qalasyna elektr energııasyn jáne jylý berý máselesin jedel sheshýdi tapsyrǵan bolatyn.
Buǵan deıin qalaǵa elektr energııasy berilgen desek, endi jylýmen qamtý sharalary júzege asa bastady.
Qazirgi tańda «JańatasSýJylý» MKK jylýmen jabdyqtaý júıelerine sý toltyrý, jeke generatorlardyń qýaty aınalym-sorǵylarynyń qyzmetin qalypqa keltirý jumysy qyzý jalǵasyp jatyr.
Osyǵan oraı qalaǵa jylý berý kezeń-kezeńimen iske asyp, bir táýlikte tolyǵymen jylýǵa qosylady dep josparlandy.
Eske sala keteıik, qatty daýyl saldarynan Jańatas qalasyndaǵy elektr baǵanalary qulap, elektr jelileri tıisti kerneýdi taratýda kedergi týyndaǵan.
Soǵan baılanysty «JańatasSýJylý» MKK jumysyn toqtatýǵa májbúr bolyp, jylýmen jabdyqtaý júıesinen sýdy aǵyzý týraly sheshim qabyldanǵan.
Osyǵan baılanysty Jambyl oblysynyń Sarysý aýdanynda tabıǵı sıpattaǵy tótenshe jaǵdaı jarııalanǵan edi.
Qaladaǵy qatty jelden keıin jylýsyz qalǵan mektepter generatormen jylytylatyny aıtyldy.
Foto: Jambyl oblysy ákimdigi