Eki Koreıa sońǵy eki jyldaǵy alǵashqy áskerı kelissózderdi bastady
ASTANA. Qyrkúıektiń 30-y. QazAqparat - Koreıa Halyq Demokratııalyq Respýblıkasy men Ońtústik Koreıa beısenbi kúni jumys toptarynyń deńgeıinde sońǵy eki jyldaǵy alǵashqy áskerı kelissózderin bastady.
Bul týraly «Assoshıeıted Press» agenttigi ońtústikkoreılik áskerı vedomstvoǵa silteme jasap habarlady.
Ońtústik Koreıa Qorǵanys mınıstrliginiń aqparaty boıynsha, kezdesý eki memlekettik arasyndaǵy qarýsyzdandyrylǵan aýmaqta ornalasqan Phanmýndjom kelissóz beketinde ótýde.
Osyndaı kezdesý ótkizý týraly usynys qyrkúıektiń 16-synda KHDR tarabynan túsken bolatyn. Kelissózge arqaý bolatyn negizgi taqyryp - qos Koreıanyń Sary teńizdegi daýly shekarasy bolady, dep paıymdalýda.
