Eki kóliktiń at arbamen soqtyǵysýy saldarynan bes adam qaza tapty
ASTANA. QazAqparat - Mahachkala-Kochýbeı federaldyq kúre jolynda VAZ, Renault kólikteri jáne at arba soqtyǵysty.
Apat beısenbi kúni kúre joldyń 57-shi shaqyrymynda oryn alǵan. Renault júrgizýshisi ony basqara almaı, joldyń qarsy jolaǵyna shyǵyp ketti. Onda kólik VAZ-2110 mashınasymen, odan keıin at arbamen soqtyǵysty. Sheteldik kóliktiń 40 jastaǵy júrgizýshisi jáne otandyq kóliktiń barlyq jolaýshylary oqıǵa ornynda kóz jumdy. Olardyń arasynda 40 jastaǵy júrgizýshi, 38 jastaǵy áıel, 9 jasar bala jáne náreste bolǵan.
Túrli jaraqattar alǵan taǵy úsh adam aýrýhanaǵa jetkizildi. Naýqastardyń barlyǵynyń jaǵdaıy aýyr, dep habarlaıdy Lifenews.
