Eki qolǵa bir kúrek tapqandardyń sany jaǵynan Almaty oblysy kósh bastady

ASTANA. QazAqparat - Elimizde sońǵy apta ishinde qansha adam jumys tapty? Eki qolǵa bir kúrek tapqandardyń sany jaǵynan Almaty oblysy kósh bastap tur, dep habarlady www.24.kz.

Munda 602 jumys orny ashylǵan. Al Atyraý oblysynda 501 jańa jumys orny ashyldy. Úshinshi orynda - Batys Qazaqstan oblysy. Munda 471 adam turaqty jumyspen qamtylǵan. Tórtinshi orynda - Astana qalasy. Bas qalada 452 jańa jumys orny bar. Qostanaıda 178 jumys orny ashylyp, 250 turǵyn eńbekpen qamtylǵan. Al Shyǵys Qazaqstanda 170 jumys orny ashylyp, 163 adam eki qolǵa bir kúrek tapty. Aqtóbe men Ońtústik Qazaqstan oblystarynda 160-tan astam jumys orny ashylyp, eki óńirde 689 adam jumysqa ornalasty.

Sondaı-aq Pavlodarda - 93, Soltústik Qazaqstanda - 62, Aqmola oblysynda - 60, Jambylda - 55, Mańǵystaýda - 40 jáne Qyzylordada- 37, Qaraǵandyda 15 turaqty jumys orny ashylǵan.