Eki qazaqstandyq sportshy taekvondodan Azııa chempıonatynyń qola júldesin ıelendi
Lıvan astanasy Beırýt qalasynda taekvondo WT sport túrinen jastar arasynda Azııa chempıonaty ótti. Mańǵystaýlyq taekvondoshylar Almıra Qanat jáne Darııa Manasqyzy Azııa chempıonatynyń qola júldegerleri atandy.
«Q.Bektileý atyndaǵy Mańǵystaý oblystyq taekvondo federatsııasynyń eresekter arasyndaǵy aǵa jattyqtyrýshysy Qýanǵalı Dastanulynyń aıtýynsha Darııa 68 kelide óner kórsetip, Indııa jáne Lıvan eliniń sportshylaryn aıqyn basymdyqpen jeńip, jartylaı aqtyq saıysta Qytaı eliniń sportshysyna ese jiberdi. Al Almıra 59 kelide Vetnam jáne Fılıppın eliniń sportshylaryn aıqyn basymdyq jeńip, jartylaı aqtyq saıysta Iran sportshysyna ese jiberdi», - delingen Mańǵystaý oblystyq Sport basqarmasy baspasóz qyzmetiniń málimetinde.
2-4 qyrkúıek aralyǵynda ótken Azııa chempıonatyna 23 memleket qatysty.
