Eki qazaqstandyq sportshy erkin kúresten ótken «Mongolian Open-2015» halyqaralyq jarysynda jeńiske jetti (FOTO)
ASTANA-ULAN-BATYR. QazAqparat - Qazaqstandyq sportshylar Elmıra Syzdyqova men Tatıana Amanjol-Bakatıýk Mońǵolııa astanasy Ulan-Batyr qalasynda ótken bedeldi dástúrli halyqaralyq jarysynda birinshi oryndarǵa ıe boldy.
Jarystarǵa eń myqty azııalyq jáne eýropalyq komandalar qatysqan, olardyń arasynda Japonııa, AQSh, Reseı, Qazaqstan jáne Belarýs elderi boldy. 69 keli salmaq dárejesinde beldesken Elmıra Syzdyqova aqtyq kezeńde Beıjiń Olımpıadasynyń qola júldegeri, AQSh sportshysy Rendı Mıllerdi jeńgenin atap ótý kerek. Budan basqa, qola medaldarǵa da qol jetkizgen sportshylarymyz da bar. Júldegerlerdiń arasynda Kısel Irına, Ekaterına Larıonova, Aıaýlym Qasymova, Gúlmaral Erkebaeva boldy.
Jarystyń uıymdastyrýshylary jaqsy júlde qoryn qamtamasyz etti. Birinshi oryn úshin 1 000 dollar, ekinshi oryn alǵany úshin - 800, úshinshige - 500 dollar berildi.
