Eki qazaqstandyq para taekvondoshy Tokıo joldamasyn ıelendi

NUR-SULTAN. QazAqparat - Qazaqstandyq para taekvondoshylar Tokıo-2020 oıyndaryna taǵy 2 joldama jeńip aldy, dep habarlaıdy QazAqparat Ulttyq paralımpıadalyq komıtetiniń baspasóz qyzmetine silteme jasap.

«Qýanyshty habar Iordanııa astanasynda ótip jatqan Azııa kvalıfıkatsııalyq jarysynan kelip jetti. Ol jerde qazaqstandyq paralımpıadashylar Nyshan Ómiráli erler arasynda 75 kelide jáne Kámıla Aqylbaı áıelder arasynda 58 kelige deıingi salmaq dárejesinde jeńimpaz atanyp, joldamaǵa ıe boldy. Ádettegi jarystarda K-43 sanatynda óner kórsetip júrgen qos sportshymyz da Tokıoda paralımpıada oıyndarynyń erejelerine saı K-44 sanatynda baq synamaq», delingen komıtettiń habarlamasynda.

Eske sala ketsek, byltyr qańtar aıynda paralımpıadashylar arasynda eń alǵashqy bolyp joldamaǵa ıelengen para taekvondoshy Nurlan Dombaev edi. Jalpy esepte Tokıoda 3 para taekvondoshymyz baq synamaq.