Eki qazaqstandyq qoıan-qoltyq urystan Eýropa chempıonatynyń jeńimpazy atandy
Mınskide qoıan-qoltyq urystan IV ashyq chempıonaty ótti. Onda 26 elden kelgen 170 sportshy júldeli oryndarǵa talasty. Eýropalyqtarmen qatar AQSh, Kanada, Iran, Qazaqstan, Ózbekstan, Tájikstan komandalary da qatysty. Jarys qojaıyny Belarýs jekpe-jek sheberleri eki quramany (ár salmaq sanatynda - eki sportshydan) tanystyrdy, al basqa elder bir-bir quramamen kelgen.
Qazaqstan 17 qatysýshyny usynǵan bolatyn, onyń 9 - er, 8 - áıel). QR quramasynda Almaty qalasynyń qalalyq federatsııasynyń tárbıelenýshileri boldy. Chempıonatta Qazbek Saǵyn (55 keli) men Danııar Ústembaev (90 keli) joǵary nátıje kórsetip, jeńis tuǵyryna kóterildi.
«Jaı ǵana judyryqtasý - ońaı, al chempıonatqa jaraqatsyz kelý - eń qıyny. Daıyndyq barysynda men jaraqat alyp qaldym, sonda da ózimdi jeńýge tyrysyp, 100% barymdy salýǵa týra keldi», - dep bólisti Qazbek Saǵyn.
Jalpy, Qazaqstan quramasy 4 medal ıelenip qaıtty, onyń ekeýi - altyn, ekeýi - Qymbat Ahmet pen Dáýlet Imahanov enshilegen qola.
