Eki qazaq balýany erkin kúresten Azııa chempıonatynyń fınalyna ótti
NUR-SULTAN. QazAqparat - Búgin Qytaıdyń Sııan qalasynda kúres túrlerinen Azııa chempıonaty bastaldy. Alǵash bolyp erkin kúres balýandary ózara myqtylardy anyqtap jatyr, dep habarlaıdy QazAqparat.
QR Ulttyq Olımpıadalyq komıtetinen málim etkendeı, 57 kelidegi Meırambek Qartbaı úndilik sportshydan utylyp, jarysty aıaqtady.
65 kelidegi Saıatbek Oqasov qurlyq dodasynyń fınalynda kúresedi. Ol irikteý kezeńderinde Bahreın, Qyrǵyzstan jáne Soltústik Koreıa sportshylarynan basym boldy.
Sondaı-aq 70 kelidegi Nurqoja Qaıpanov Irak, Túrikmenstan jáne Iran balýandarynan basym túsip, fınalǵa joldama aldy.
79 kelide beldesetin Ǵalymjan Óserbaev Tájikstan men Ózbekstan balýandaryn jeńgenimen, jartylaı fınalda úndilik balýanǵa ese jiberdi. Keshki sessııada Óserbaev qola medal úshin talasady.
