Eki qar kóshkini Qyrǵyzstandaǵy joldardy jaýyp tastady
BІShKEK. QazAqparat - Búgin Qyrǵyz Respýblıkasy Tótenshe jaǵdaılar mınstrliginiń saıtynda 12-17 aqpan aralyǵynda respýblıkanyń birqatar óńirlerinde aýa raıynyń turaqsyz saldarynan týyndaıtyn eskertýler jarııalandy.
Aýa raıynyń shuǵyl ózgerýine baılanysty elde mol jańbyr jaýyp, qar erýi sel júrýine jáne sý tasqynyna dýshar etýi múmkin. Ásirese, Shý, Talas, Osh, Jalalabad jáne Batken oblystarynda tótenshe jaǵdaı týyndaýy yqtımal.
Osyǵan baılanysty QR TJ mınıstri Qýatbek Boronov shuǵyl keńes ótkizip, jergilikti basqarý organdarymen birlesip, aldyn alý sharalaryn kúsheıtýge tapsyrma berdi.
11 aqpandaǵy jaǵdaı boınsha qardyń kúrt erýi saldarynan Talas oblysynyń Qara-Buryn aýdanynyń Amanbaev aýylynda 60-qa tarta úı men 25 qora-qopsyny, 13 úıdiń jertólesin sý basty. 1,5 shaqyrymdyq ishki sharýashylyq joldary zardap shekti.
Baspasóz qyzmetiniń málimetteri boıynsha, 12 aqpanda qardyń kúrt erýinen Qarasý ózeni arnasynan asyp, Talas oblysynyń Baqaı-Ata aýdanyndaǵy ózgeris aýyly turǵyndarynyń qora-qopsysyn sý basty. Oqıǵa ornynda QR TJM jedel toby jumys jasaýda.
Sońǵy táýlikterde Jalalabad oblysynyń Shatqal aýdanyndaǵy Qyzyltaý-Aqtash jáne Alabuqa-Qanysh-Qııa-Kırovka avtojoldarynda qar kóshkini bolǵany atap ótilgen. Qyzyltaý-Aqtash avtojolynyń 8 shaqyrymyn kólemi 300 tekshemetrlik qar kóshkini basyp qalǵan. Alabuqa-Qanysh-Qııa-Kırovka avtojoly ýchaskesine de kólemi 2000 şsharshymetr qar kóshkini tústi. Joldardy tazalaýǵa tehnıka jumyldyrylýda. Qazirgi kezde kólik quraldarynyń qozǵalysy qalpyna keltirildi. Qurban bolǵandar týraly málimetter túsken joq.
