Eki kanadalyq ulttyq lotereıadan 3,8 mln dollar utty
NUR-SULTAN. QazAqparat – Ulttyq lotereıanyń 5 mıllıon kanadalyq dollar kólemindegi ($3,8 mln) djekpotyn utqan eki Kanada turǵyny bul aqshany teńdeı bólip alady, dep habarlaıdy QazAqparat. Bul týraly jeksenbide utys oıynyn ótkizetin OLG kompanııasynyń ókilderi málim etti.
« Túsken nómirler - 2, 16, 28, 47, 48 jáne 49. Bonýs-sany - 35», -dep naqtylady uıymdastyrýshylar. Qazirgi ýaqytta belgili bolǵandaı, utys bıletiniń bireýi Ontarıo provıntsııasynda satylǵan, ekinshisi - Kvebek provıntsııasynda.
Budan basqa, bir mıllıon kanadalyq dollar kóleminde ($760 tys.) jubanysh júldesi oınatylǵan. Ol Kanadanyń batystaǵy provıntsııalarynyń biriniń turǵynyna buıyrdy.
Ulttyq lotereıanyń erejesine sáıkes, syılyqty alý úshin utys ıesi bıletin uıymdastyrýshylarǵa mindetti túrde kórsetýi tıis, al jeńimpazdyń kim ekendigi jurtshylyqqa aıtylýy kerek. Bul jolǵy utys eki oıynshyǵa teńdeı bólinip beriledi.