Eki kanadalyq lotereıadan 18 mıllıon dollar utty
ASTANA. QazAqparat - Kanadalyq Ontarıo jáne Nıý-Bransýık provıntsııalarynyń eki turǵyny 18 mıllıon dollarǵa (shamamen 14 mıllıon AQSh dollary) ıe bolyp, aıaq astynan baıyp shyǵa keldi.
Aqshany olar belgili «49-dan 6» ulttyq lotereıalarynyń birinen utty. Joly bolǵyshtar 14, 22, 31, 37, 43 jáne 49 nómirlerimen utys túbirtegin kórsetkennen keıin 9 mıllıon dollardan alady.
Lotereıa qaǵıdasyna sáıkes jeńimpaz óz esimin aıtýy tıis, anonımderge utys berilmeıdi.
Atlantic Lottery Kanada aýmaǵynda 1976 jyldan beri utys oıynyn ótkizip keledi. Osy kezeń ishinde utys somasy kanadalyq 5,5 mıllıard dollardy (4,73 mıllıard AQSh dollary) qurady, dep habarlady TASS.
