Eki qabatty úıden órt shyǵyp, anasy men balasy kúıip qaldy
TÚRKІSTAN. QazAqparat - Túrkistanda eki qabatty úıde gaz-aýa qospasy jarylyp, órt shyqqan. Saldarynan anasy men balasyn kúıik shalyp, aýrýhanaǵa jetkizildi, dep habarlaıdy QazAqparat tilshisi.
Oblystyq TJD málimetinshe, tótenshe jaǵdaı 9 qańtar kúni 17:04 shamasynda oryn alǵan.
«Úıdegi 50 lıtrlik gaz ballonynyń aqaýynan gaz-aýa qospasy jaryldy. Artynsha órt bolyp, ony sóndirýge 9 qyzmetker men 2 tehnıka jumyldyrylǵan. Órt saǵat 17:20-da aýyzdyqtalyp, 17:35-te sóndirildi. 1993 jyly týǵan kelinshek pen 2017 jyly týǵan búldirshin aýrýhanada em qabyldap jatyr» delingen habarlamada.
