Eki eldiń aýyr atletteri Tokıo Olımpıadasynan shettetildi
NUR-SULTAN. QazAqparat - Táýelsiz federatsııalardyń sanktsııalar jónindegi toby (IMFSP) dopıngige qarsy erejelerdi buzǵany úshin eki eldi dıskvalıfıkatsııalaý týraly sheshim qabyldady dep habarlaıdy Sports.kz.
Atap aıtqanda, Taıland aýyr atletıka qaýymdastyǵy (TAWA) jáne Malaızııa aýyr atletıka federatsııasy (MWF) dıskvalıfıkatsııalandy.
Sonymen eki eldiń shtangashylaryna halyqaralyq jarystarǵa qatysýǵa tyıym salyndy: TAWA -2023 jylǵy 1 sáýirge, MWF -2021 jylǵy 1 sáýirge deıin.
Sondaı-aq Halyqaralyq aýyr atletıka federatsııasy (IWF) týrnırdiń qaı kúni ótkiziletindigine qaramastan Taıland jáne Malaızııa aýyr atletteri Tokıo Olımpıadasy oıyndaryna qatyspaıtyndyǵyn atap ótýde. Budan basqa TAWA 200 myń dollar aıyppul salyndy, al onyń laýazymdy tulǵalary eki jyl merzimge qyzmetinen shettetildi.
