Eki dúrkin olımpıada chempıony ómirden ozdy
MÁSKEÝ. QazAqparat - Sporttyq gımnastıkadan eki dúrkin olımpıada chempıony Elena Shýshýnova 50-ge qaraǵan shaǵynda Sankt-Peterbýrgte ómirden ozdy. Bul týraly TASS Reseı Sport gımnastıkasy federatsııasyna silteme jasap habarlaıdy.
«Shýshýnovany keshe ápkesi aýrýhanaǵa jetkizgen, ókinishke qaraı, túnde chempıon qaıtys boldy. Múrdeni tekserý nátıjeleri áli shyqqan joq. Aldyn ala málimetterge qaraǵanda, Shýshýnovanyń ólimine pnevmonııadan keıingi aýrýdyń asqynýy sebep bolýy múmkin», - deıdi federatsııanyń baspasóz attashesi Elena Mıhaılova.
Shýshýnova 1988 jyly ótken Olımpıada oıyndarynyń absolıýttik chempıony. Sol jylǵy Olımpıadada dara jarystan bólek, komandalyq týrnırdiń altyn medalin, sondaı-aq kúmis jáne qola medaldardyń ıegeri atanǵan. Komandalyq básekeden, kópsaıystan álem chempıony, al kópsaıystyń jeke túrleri boıynsha úsh dúrkin álem chempıony bolǵan.
