Eki dúrkin Olımpıada chempıony Ts. Shımın kásipqoı boksqa aýysady
ASTANA. 29 qańtar. QazAqparat - 49 keli salmaq dárejesinde Olımpıada oıyndarynyń eki dúrkin chempıony, jerlesimiz Birjan Jaqyppen talaı márte qolǵap túıistirgen qytaılyq Tszoý Shımın kásipqoı boksqa aýysatyn boldy.
23 qańtar kúni ol Beıjińde áıgili amerıkalyq «Top Rank» kompanııasymen kelisim-shartqa otyrdy, dep habarlaıdy «Alaman» sport agenttigi.
Bul kompanııanyń qurýshysy Bob Arým kásipqoı boks salasynda «eń tańdaýly jetekshi» ataǵyn bes ret jeńip alǵan. Álemge ataǵy jaıylǵan biraz boksshylardy tárbıelegen bolatyn. Bob Arým «Tszoý Shımın sheber boksshy. Qytaı halqynyń eń súıikti sportshysy. Tszoý Shımınniń aldaǵy ýaqytta tabysty nátıjege jetýi úshin kompanııa barlyq shart-jaǵdaıyn jasaýǵa tyrysady» deıdi.
