Eki dúrkin álem chempıonynyń apatqa ushyraǵan sáti vıdeoǵa túsip qalǵan

NUR-SULTAN. QazAqparat - «Formýla-1» klasyndaǵy avtoshabandoz, eki dúrkin álem chempıony Fernando Alonso óziniń jarys mashınasyn soǵyp, aman qaldy, dep habarlaıdy euronews.

Oqıǵa áıgili «Indıanapolıs 500 mıl» avtojarysyna daıyndyq kezinde boldy. Alonso úshinshi aınalymda joldan shyǵyp ketken. Avtoshabandozdyń aıtýynsha, ol asfaltpen ajyratqysh deńgeıin durys shamalamaǵan.

«Bolar is boldy, sol úshin ýaqyt joǵaltyp aldyq. Komanda úshin ókinemin. Alaıda bul joly sabaq alyp, kelesi joly myqtyraq bolamyz», -deıdi Fernando Alonso.

Alonso oqıǵaǵa qatysty pikirin medıtsınalyq tekserýden ótkennen soń bildirdi. Tań qalarlyǵy, shabandoz eshqandaı zardap shekken joq. Alaıda ol saǵatyna 340 km jyldamdyqpen qorshaýǵa soǵylǵan edi. Alonso «Indı 500» jarysyna ekinshi ret qatysýǵa daıyndalyp jatyr.