Eki dıplomy da jalǵan bolyp shyqqan ıAkýtııanyń aýylsharýashylyq mınıstri qyzmetten bosatyldy
ASTANA. QazAqparat - ıAkýtııanyń aýylsharýashylyq mınıstri joǵary bilimi týraly eki dıplomy da jalǵan bolyp shyqqany anyqtalǵan soń qyzmetten bosatyldy, dep habarlady respýblıkalyq prokýratýranyń saıty.
«Bul dıplomdar Aleksandr Artemevqa bilim týraly zańnamany buza otyryp berilgeni, onyń ornatylǵan talaptar men normatıvterge sáıkes bilim almaǵany anyqtaldy», - delingen habarlamada.
Mınıstrdiń ıAkýtııa memlekettik aýylsharýashylyq akademııasy ekonomıka fakýltetiniń «býhgalterlik esep jáne aýdıt» mamandyǵy boıynsha syrttaı oqý bóliminiń 4-shi kýrsyna zańsyz esepke turǵyzylǵany atap ótiledi.
14 naýryzda el prokýratýrasy memleket basshysy Egor Borısovqa memlekettik azamattyq qyzmet jáne sybaılas jemqorlyqqa qarsy kúres týraly buzýshylyqtardy joıý usynysyn engizgen, óz kezeginde ol 19 naýryzda Aleksandr Artemevti mınıstr qyzmetinen bosatty.
