Eki buǵynyń aıqasy jelini «shýlatty»
ASTANA. QazAqparat - AQSh-tyń Tennessı shtatynyń tabıǵat jónindegi agenttigi qyzmetkerleri eki buǵynyń artqy aıaqtarymen tik turyp aıqasqan sátin túsirip alǵan.
Jazbany Facebook-te agenttik jarııalady.
Janýarlardyń jekpe-jegi ormanǵa qoıylǵan kameralardyń biriniń obektıvine túsip qaldy. Agenttik qyzmetkerleriniń aıtýynsha, olar shamasy tamaqqa talasqan.
Aq quıryqty buǵylar Soltústik Amerıkada keńinen taralǵan. Qysta atalyq buǵylar múıizderin tastaıdy, al jańalary tek kóktemniń sońyna qaraı óse bastaıdy. Múıizderi joq bolǵan shaqta olar qaısysynyń kúshi basym ekendigin tuıaqtarynyń kómegimen bildiredi.
