Eki basty bala 19 kún ǵana ómir súrdi
ASTANA. QazAqparat - Avstralııada 8 mamyr kúni týǵan eki basty qyz on toǵyz kún ótken soń jan tapsyrdy. Sıdneıde turatyn Rene men Saımon Hoýı otbasylyq juby bala ómirge kelmeı turyp náresteniń osyndaı kúrdeli aýrýmen týatynynan habardar bolǵan. Soǵan qaramastan, áıel túsik jasatpaǵan, dep habarlady Metro.
Dárigerlerdiń eskertýine qaramastan, Rene men Saımon Hoýıler ózderiniń balalarynyń ómirge kelýin qalaıtynyn málimdegen bolatyn.
Jańa týǵan egiz nárestege ata-anasy Senim jáne Úmit degen esimder bergen. Olardyń basy ekeý, alaıda denesi bireý ǵana bolyp jaratylǵan. Dárigerlerdiń aıtýynsha, osyndaı kúrdeli aýytqýshylyqpen balanyń 19 kún ómir súrýiniń ózin rekordtyq kórsetkish dep ataýǵa bolady
Eki basty balalar dúnıege sırek keledi. Tarıhta osyǵan uqsas 35 jaǵdaı tirkelgen. Osyndaı aqaýmen Úndistanda aqpan aıynda bir bala dúnıege kelgen.
