Eki balasyna pyshaq salǵan Qostanaı turǵyny 6 jylǵa sottaldy
Oblystyq sottyń baspasóz qyzmetiniń derekterine súıensek, áıelder men balalarǵa arnalǵan beıimdeý ortalyǵynyń jataqhanasynda turatyn kelinshek as úı pyshaǵymen 2016 jáne 2018 jyly týǵan jas balalaryn pyshaq salǵan. Keıin ol óziniń bilegin kesip, aýrýhanaǵa túsken.
«Bastapqyda sottalýshy kisi óltirýge áreket jasady degen aıyppen sotqa tartyldy. Alaıda, sot talqylaýy barysynda prokýror aıyptaýdy «Densaýlyqqa aýyr zııan keltirý» babyna ózgertýdi surady. Zardap shekken balalardyń ókilderi prokýrormen kelisti. Osyǵan baılanysty aıyptaý sheshimi ózgerdi. Sottalýshynyń kinási kýágerlerdiń aıǵaqtarymen jáne saraptama qorytyndylarymen dáleldendi. Sot jaryssózderinde prokýror 6 bas bostandyǵynan aıyrý jazasyn taǵaıyndaýdy surady. QR QK 106-babynyń 2-bóligi sanktsııasy 6 jyldan 10 jylǵa deıingi merzimge bas bostandyǵynan aıyrýdy kózdeıdi. Sottalýshynyń buryn jaýapqa tartylmaǵanyn eskere otyryp, sot ortasha qaýipsiz qylmystyq-atqarý júıesi mekemesinde jazasyn óteýmen 6 jylǵa bas bostandyǵynan aıyrý jazasyn taǵaıyndady» delingen sot habarlamasynda.
Úkim zańdy kúshine engen joq.
