Eki balasyn ertken áıeldi poıyz basyp ketti
ASTANA. QazAqparat - Reseı Federatsııasyndaǵy Ýdmýrtııada eki balasymen birge temir joldan ótken áıeldi poıyz basyp ketken.
RTK Kóliktegi Prıvolje tergeý basqarmasy osy oqıǵaǵa baılanysty tekserýdi bastady. Bul týraly basqarmanyń baspasóz qyzmeti málim etti, dep habarlady "Interfaks" agenttigi.
«Oqys oqıǵa seısenbi kúni Máskeý ýaqytymen 12:30-da Ýdmýrtııadaǵy Mojga eldi mekeninde bolǵan. Jolaýshylar poıyzy basyp ketken áıel kóz jumdy», dep naqtylady baspasóz qyzmetinde.
Óz kezeginde quqyq qorǵaý organyndaǵy derekkóz áıeldiń temir joldan kishkentaı eki balasymen birge ótkendigin aıtty.
Rels ústine kidirip qalǵan áıeldi poıyz qaǵyp ketken, biraq balalar zardap shekpegen.
