Eki balany sýǵa batýdan qutqarǵan aqtaýlyq azamat marapattaldy

AQTAÝ. QazAqparat - Aqtaýda eki jasóspirim qyzdy sýdan aman alyp qalǵan Aleksandr Sharın QR Tótenshe jaǵdaılar mınıstriniń buıryǵymen «Sýǵa batqandardy qutqarǵany úshin» medalimen marapattaldy, dep habarlaıdy QazAqparat tilshisi.

«21 tamyzda Sharın Aleksanr óz otbasymen jáne dostarymen «Zolotoe solnyshko»demalys bazasynda tynyǵyp jatqan. Shamamen saǵat 17:15-te onyń jubaıy sapbord taqtasyna esý daǵdylary joq qyz balalar mingenin baıqaǵan. Kenetten jel turyp, balalar teńiz jaǵasynan alystaı bastaǵan. Sol kezde qyzdardyń anasy kómekke shaqyrǵan.

Aleksandr oılanbastan sýǵa túsip, olarǵa deıin shamamen 100 metr tolqynǵa qarsy júzip bardy. Sapbordqa qyzdardyń janyna otyryp, jaǵalaýǵa qaraı ese bastaǵan. Tolqynǵa qarsy esý qıyn bolǵan. Jaǵalaýǵa jaqyndaǵanda ol taqtadan túsip, sapbordty jibinen tartyp jaǵaǵa shyǵardy» - dedi Mańǵystaý oblystyq tótenshe jaǵdaılar departamentiniń baspasóz hatshysy.

Departament bastyǵy Murat Muhanov balalardy qutqarý kezinde kórsetken janqııarlyǵy úshin azamatqa zor alǵysyn bildirdi.