Eki bala Úlken Almaty kanalyna batyp ketti
Oblystyq Tótenshe jaǵdaılar departamentiniń málimetinshe, 23 maýsym kúni saǵat 16:50-de Eńbekshiqazaq aýdany, Bólek aýylynan 10 shaqyrym jerde belgisiz jaǵdaıda 2009 jáne 2013 jyly týǵan eki ul bala belgisiz jerde joǵalyp ketkeni týraly habarlama tústi.
Іzdestirý jumystaryna Tótenshe jaǵdaılar mınıstrligi, Almaty oblysy Tótenshe jaǵdaılar departamenti, respýblıkalyq jedel-qutqarý jasaǵy, polıtsııa bólimsheleriniń qutqarýshylary men tehnıkasy jumyldyryldy.
«Sýarý kanalynan 23 maýsym kúni keshke jáne 25 maýsym kúni tańerteń TJD jedel-qutqarý jasaǵynyń izdestirý toby sýǵa batyp ketkenderdiń denesin alyp shyqty», - dep habarlady TJD baspasóz qyzmeti.
Almaty oblysynyń TJD qyzmetkerleri jazataıym oqıǵalardy boldyrmaý úshin ata-analardan kámelet jasyna tolmaǵan balalardy qaraýsyz qaldyrmaýdy suraıdy.
Byltyr jazda Úlken Almaty kanalyna jeti jáne on jastaǵy eki kámeletke tolmaǵan bala da batyp ketken bolatyn.